<?xml version="1.0" encoding="UTF-8"?><song><lyrics>[V1]
 Chu̱kʋsh okpulo chia kʋt
 Filemʋt chi okcha̱yashke:
 &quot;Na̱ katihmi chilla chi̱ cho?&quot;
 Chihowa yʋt chim achishke.

[V2]
 Chihowa Chikbi tok mak osh
 Chi ponaha̱klo mak ocha,
 &quot;Na̱ katihmi chilla chi̱ cho?&quot;
 Et chim ahanchi fehnʋshke.

[V3]
 Chihowa Chitokaka yʋt
 Chi okcha̱ya he mak ona,
 Ushi a̱ et chihi̱ma na,
 Chi ʋlhtoba hosh illi tok.

[V4]
 Chu̱kʋsh okpulo chia ma!
 Chi Okchalinchi Chisʋs a̱
 I̱ yimmit hʋsh ai a̱hli cha,
 Hʋchi okcha̱ya pullashke.

[V5]
 Chihowa fehna pulla ka
 Ish o̱ chaha̱fa pullashke:
 Et chi̱ nukha̱lo fehna hosh,
 Ibbak a̱ et chi̱ welishke.

[V6]
 Chu̱kʋsh okpulo chia ma!
 Illi hʋsh choyuhmi hoke;
 Nanta katihmi fehna ho̱
 Illit hʋsh bilia chi̱ cho?</lyrics>
<title>Chu̱kʋsh okpulo chia kʋ ƲIT22</title>
<time_sig>L.M. (8.8.8.8.)</time_sig>
<hymn_number>22</hymn_number>
<author>Loring S. Williams</author>
<aka>&quot;Sinners turn, why will ye die?&quot;</aka>
</song>